Equipo
O Grupo de Investigación Comunicación Persuasiva (CP2) naceu en 2007 na Facultade de Ciencias Sociais e da Comunicación da Universidade de Vigo (UVigo). Desde a súa creación, está liderado pola Dra. Montserrat Vázquez Gestal, profesora titular da UVigo e investigadora principal (IP1), e coordinado polos profesores doutores Ana Belén Fernández Souto e Xosé Rúas Araújo.
O equipo de CP2 está integrado por nove investigadores e investigadoras cunha sólida traxectoria científica e docente. A súa experiencia abrangue tamén tarefas de dirección e xestión académica, desempeñando cargos de responsabilidade na UVigo e participando activamente en redes e organismos de referencia no ámbito da investigación e da educación superior.
Liñas de investigación
Creatividade e publicidade
Comunicación política
Relacións públicas e comunicación organizacional
Idadismo
Innovación televisiva
Retos
A estratexia de desenvolvemento do Grupo Comunicación Persuasiva contempla a abordaxe de diversos desafíos científicos vinculados ás industrias culturais e comunicativas, así como aos principais axentes sociais e dos sectores máis dinámicos da sociedade civil, procurando a elaboración de propostas que fagan viables novos instrumentos para afrontalos.
Loita contra a desinformación e fortalecemento da alfabetización mediática dixital, promovendo a verificación da información, o pensamento crítico e a difusión da ciencia para mellorar a comprensión da realidade social, cultural e tecnolóxica.
Transformación da comunicación nas organizacións públicas e privadas, analizando a adaptación das estruturas e estratexias comunicativas ás novas ferramentas, tecnoloxías e necesidades dos públicos.
Impulso do pensamento creativo como motor de innovación e benestar social, desenvolvendo investigación orientada á xeración de novos espazos, prácticas e solucións que melloren a calidade de vida.
Prevención da discriminación por idade mediante a comunicación e a educación interxeracional, promovendo o cambio de estereotipos e prexuízos a través da creación artística, a participación social e a transferencia de coñecemento.
Integrantes
Montserrat Mª Vázquez Gestal
Titular de Universidade
Doutora pola Universidad Complutense de Madrid coa tese «A protección xurídica da creatividade publicitaria nos medios impresos» (2000), dirixida polo Dr. Manuel Fernández Areal.
Ana Belén Fernández Souto
Titular de Universidade
Doutora pola Universidade de Vigo coa tese «Comunicación política e relacións públicas desde as institucións autonómicas. Estudo das estratexias e mensaxes das principais campañas levadas a cabo desde a Xunta de Galicia (1990-1997)» (2002), dirixida polo Dr. Alberto Pena Rodríguez.
Xosé Rúas Araújo
Titular de Universidade
Doutor pola Universidad Complutense de Madrid coa tese «O discurso político de Manuel Fraga» (2000), dirixida polo Dr. Fermín Bouza Álvarez.
Mónica Valderrama Santomé
Profesora Permanente Laboral
Doutora pola Universidade de Vigo coa tese «A publicidade televisiva en Galicia (1960-2000)» (2003), dirixida polo Dr. Alberto Pena Rodríguez.
Iván Puentes Rivera
Profesor Permanente Laboral
Doutor pola Universidade de Vigo coa tese «As relacións públicas ao servizo da comunicación política: os gabinetes de comunicación nas Deputacións Provinciais e Forais» (2017), dirixida pola Dra. Aurora García González.
Mª Isabel Martínez Martínez
Profesora Axudante Doutora
Doutora pola Universidade de Vigo coa tese «O cine de non ficción no Novo Cinema Galego (2006-2012): conceptualización, contextos e singularidades» (2015), dirixida polo Dr. Xaime Fandiño.
Talia Rodríguez Martelo
Profesora Axudante Doutora
Doutora pola Universidad Complutense de Madrid coa tese «A produción cinematográfica no contexto africano: estudo de caso do cine de Nixeria, Nollywood» (2019). Dirixida polo Dr. Jorge Clemente Mediavilla.
Julia Fontenla Pedreira
Profesora Axudante Doutora
Doutora pola Universidade de Vigo coa tese «Novas formas de participación política: impacto e conversa en redes sociais dos debates electorais televisados» (2023), dirixida polos Dres. José Rúas Araújo e Francisco Campos Freire.
Natalia Quintas Froufe
Titular de Universidade
Doutora pola Universidade de Vigo coa tese «La perspectiva comunicativa del proyecto Galicia Moda un caso práctico en el estudio de la comunicación de la moda» (2008), dirixida por Dra. Aurora García González.
Uxía Seijas Vidal
Colaboradora
Alumna do Doutorado en Creatividade e Innovación Social e Sostible do Campus Crea da Universidade de Vigo.